Opera ved fjorden – sommarkonsert

Årets sommarakademi blir avslutta med ein operakonsert i Oseana som du ikkje bør gå glipp av. Kanskje er det morgondagens stjerner du får høyre for fyrste gong?

Songarar og orkestermusikarar i alderen 18-30 år er veltrimma etter fleire dagar med intens jobbing, og er klare til å ta imot publikum. Møt alle dei nye talenta som ivrar etter å presentere seg sjølve i starten av karrieren! Dei byr på utdrag frå fleire av dei mest kjende operaene, samt ei scenisk framføring av operaen Gianni Schicci av Puccini - med operaperla O mio babbino caro som eit av høgdepunkta.

Sommarakademiet i perioden 25. juni til 2. juli rettar seg mot unge songarar og musikarar som er under utdanning, eller som nyleg er ferdigutdanna. Deltakarane får arbeide med dyktige pedagogar, coachar og dirigentar - alle med erfaring frå store operahus og symfoniorkester.

I fjor enda konserten i trampeklapp frå ein nesten full sal – kom og nyt opera ved fjorden du også!