Private omvisingar

Oseana tilbyr ulike kunstomvisingar for grupper, som kan bookast til ønskt tidspunkt. Gruppa får tildelt sin eigen omvisar som tek de med inn i utstillinga. Vi tilpassar nivået ut frå alder og kva kunnskap de har frå før. Det er mogleg å komme med ønske om å fokusere på enkelte tema i utstillinga de vil dykke djupare inn i. Omvisingane er fleksible i formen, og kan ha større eller mindre grad av deltaking, etter ønske. Alt frå tradisjonell omvising til «omvend omvising», der deltakarane sjølv er aktive i ein dialog rundt kunsten. Kom gjerne med forslag til utradisjonelle omvisingsidéer, så kan vi sjå kva vi kan få til saman!

Det er mogleg å booka utanom ordinær opningstid, med eit tillegg i prisen. Ta kontakt med Jørgen Larsson på jorgen@oseana.no eller telefon 482 37 888 for meir informasjon og pris. Dersom du ønskjer ein pakke med servering av mat, drikke eller andre tilleggsprodukt, ta kontakt med restauranten på restaurant@oseana.no (telefon 53 69 51 40).

Pris

Prisen er 2500,- for kvardagar på dagtid og 3000,- for helg eller kveld.
Ei omvising er anbefalt for maks 30 personar.
Ei omvising varer i mellom 45 minutt og 1 time.
Vi tilrår å starte eller avslutte besøket i Oseana Kafé & Restaurant

Slik går du fram for å booke omvising:

• Fyll ut bestillingsskjema med ønskt tidspunkt, talet på personar og kontaktinfo
• Vi kontaktar deg deretter på telefon og e-post for å stadfeste / avtale tidspunkt.
• De møter opp på Oseana, og betaler i resepsjonen om han er open (onsdag–søndag 12–16).
  Ved andre tidspunkt, får de tilsendt faktura (fyll ut fakturadetaljar under)

Har du spørsmål? Kontakt oss på post@oseana.no eller telefon 917 50 231.