Adam Douglas med band
Better Angels TourAdam Douglas er som heimstaden Oklahoma; ein smeltedigel av ulike sjangrar og med impulsar utanfrå. Når Adam i år dreg ut på turné, tek han med seg det nye albumet, skreddarsydd for konsert, med strålande og solid band som krona på verket.
Adam Douglas sitt nye album «Better Angels» utforskar amerikansk roots-musikk kryssa med blandingar av både soul, rock’n roll, blues, country, rhythm’ and blues og jazz.
Med både nye og gamle låtar kan publikum vente seg eit liveshow heilt utan sidestykke. Det blir Adam Douglas i kjend stil, og som eit fyrverkeri på scena! Konsertane i denne turneén har til no fått strålande tilbakemeldingar, og folk melder om elektrisk stemning.
På scena har Adam Douglas med seg Kristin Dahl. Kristin er ein songar, låtskrivar og musikar som lenge har bobla rett under overflata i norsk musikkliv. Ho har turnert i Noreg og ellers i Europa – og har mellom anna varma opp for Robert Plant, Led Zeppelins legendariske vokalist. Hennar debutalbum «Freedom Comes» blei sluppe hausten 2021 og er tilgjengeleg på alle plattformer.