Storband ved fjorden – Oldtimers Big Band

Oldtimers Big Band inviterer igjen til sommarstemning på Oseanaterrassen, til bølgeskvulp og fjellutsikt og musikk for ein kvar smak. Om du likar filmmusikk, swing, balladar, latin, eller salsa – her kan du svinga dansefoten! Det blir klassisk storbandmusikk frå dei store låtskrivarane, musikk vi kjenner frå innspelingar med stjerner som til dømes Frank Sinatra, Robbie Williams, Michael Bublé og Stevie Wonder.
Bandet har med seg strålande solistar! Deira eigen Sinatra/Williams/Bublé; Fredrik Schmidt Fotland, sikrar at alle kan seia: «feelin' good». I tillegg blir det eit aldri så lite comeback for ein kjær musikarven som har vore del av OTBB heilt frå starten: Jan Haaland.