Private omvisingar

Oseana tilbyr private kunstomvisingar for grupper, som du kan bestille til eit ønska tidspunkt.

Ei omvising varar frå 45 minutt til ein time. Vi anbefalar gruppestorleik på maks 30 personar.

Gruppa får tildelt sin eigen omvisar, og vi tilpassar nivået ut frå alder og kva kunnskap de har frå før. Det er mogleg å komme med ønske om å fokusere på enkelte tema i utstillinga de vil dykke djupare inn i.

Omvisingane er fleksible i forma, og kan ha større eller mindre grad av deltaking, etter ditt ønske. Det kan vere alt frå tradisjonell omvising til «omvend omvising» – der deltakarane sjølv er aktive i ein dialog rundt kunsten. Kom gjerne med forslag, så kan vi sjå kva vi kan få til saman!

Pris

Omvisinga kostar 2500,- på kvardagar på dagtid og 3000,- på helg eller kveld. I tillegg kjem inngangsbillett: 50,- for barn, honnør og student, og 100,- for vaksne. Betaling skjer i resepsjonen (ope onsdag-søndag 12:00-16:00) eller ved tilsendt faktura.

Slik går du fram for å bestille privat omvising:

• Send ein e-post til produksonsleiar linn@oseana.no med ønska tidspunkt, antal personar og din kontaktinfo.
• Vi kontaktar deg på e-post eller telefon for å avtale tidspunkt.

Velkommen!