KIKI SMITH – Avduking av nye kunstverk til Grieg Kunstsamling

Grieg Kunstsamling har kjøpt tre nye kunstverk av den amerikanske kunstnaren Kiki Smith, som skal hengje permanent i foajéen i Oseana. Vi inviterer til avduking og feiring av denne unike hendinga!

Kunstverka inngår også i årets sommerutstilling SØLVPUST.

Elisabeth Grieg vil sjølv stå for avdukinga. Det blir samtale om Kiki Smith sitt  kunstnarskap og tekstilkunst i eit internasjonalt perspektiv med gallerist Marit Gillespie, kurator Jørgen Larsson og tekstilkunstnar Kari Dyrdal. Etterpå spelar duoen Picidae konsert.

Fri inngong.

Picidae består av Sigrun Tara Øverland på vokal, lyre, autoharpe og gitarar, og Eirik
Dørsdal på trompet, elektronikk, kalimba og vokal. Musikarane har bakgrunn frå band som Kaada, Augur Ensemble, Fym og Anne Marie Almedal.

Picidaes særpreg finn ein i dei spesielle klangkombinasjonane: ur-instrumentet
lyre og andre strengeinstrument vert kombinerte med ein trompet som vert plukka frå kvarandre og sett saman igjen på uante måtar, samt synther og annan
elektronikk. Picidae jobber innafor ein musikkstil som dreg tankane mot jazz
og viser, men musikken har også element av pop og folk/world.