Økland & Apeland

Nils Økland og Sigbjørn Apeland held konsert i utstillinga «Båsen og Breivik» i Oseanasalen.
Med ei blanding av folkemusikk, kunstmusikk og improvisasjon let Økland og Apeland seg inspirere av bileta til Bjørn Båsen og Ragna Breivik.

NILS ØKLAND fele
SIGBJØRN APELAND trøorgel

Nils Økland er ein av våre mest anerkjende og respekterte musikarar. Han er internasjonalt kjend for sin nyskapande spelestil i skjæringspunktet mellom folkemusikk, improvisasjon og kunstmusikk. Økland har gitt ut musikk på ECM, Rune Grammofon og Hubro, både solo og med andre. Eksempel på samarbeid han har gjort er utgjevnader saman med sitt eige Nils Økland - band og, med Christian Wallumrød, Arve Henriksen, og band som 1982 og Lumen Drones.

Sigbjørn Apeland er komponist og organist, og opererer også i dei musikalske grenseområda mellom folkemusikk, kyrkjemusikk, elektronisk musikk og improvisasjonsmusikk. Han komponerer også for både teater, kunstinstallasjonar og film, og han samarbeidar med musikarar som Benedicte Maurseth, Sigrid Moldestad og Knut Hamre.