Sigvart Dagsland Trio

Ei konsertoppleving med Sigvart Dagsland er ei unik hending, og eit møte med ein artist som meistrar publikum heilt ut.

Gjennom sitt nærvær og si uovertrufne stemme tek han med seg menneske; frå det såre menneskelege til kraftfulle stemningar og vokalprestasjonar. Alltid med eit skrått og tidvis gapskrattande blikk på tilværet sine mange fasettar. Alltid med ein djup respekt for dei banda som bind artist og publikum, forteljar og lyttar saman. 

 I bagasjen denne gongen har han med seg nye låtar, eldre låtar og steingamle låtar. Med seg på scena har han, i tillegg til seg sjølv på song og flygel, Torjus Vierli på tangentar og kor og Jango Nilsen på trommer og kor.