Opera ved fjorden – Sommaropera
For 6. året på rad inviterer Bergen Nasjonale Opera til finalekonserten på sommarakademiet Opera ved fjorden! Studentane byr denne kvelden på høgdepunkt frå publikumsfavorittane Carmen og Figaros bryllup.
Møt unge songarar, orkestermusikarar og dirigentar som ivrar etter å presentere seg sjølve i starten av karrieren! Denne gongen står høgdepunkt frå Figaros bryllup av Mozart og Carmen av Bizet på programmet, i scenisk framføring. Kanskje er det morgondagens operastjerner du får høyre for første gong, i store roller som til dømes Carmen, Don José, Figaro og Susanna.
Akademiorkesteret har i år 35 unge orkestermusikarar, som speler i lag med sine gruppeleiarar, alle frå store operahus eller symfoniorkester. Konsertmeister er Maxim Brilinsky, gruppeleiar 1. fiolin, Wiener Philharmoniker.
Kva er sommarakademiet?
Sommarakademiet Opera ved fjorden rettar seg mot unge songarar, orkestermusikarar, repetitørar og dirigentar over 18 år som er under utdanning, eller som nyleg er ferdigutdanna. Deltakarane får arbeide med dyktige pedagogar, coachar og dirigentar – alle med erfaring frå store operahus og symfoniorkester.
Opera ved fjorden – Sommarakademi blir arrangert av Bergen Nasjonale Opera i samarbeid med Oseana kunst- og kultursenter, og er støtta av Grieg Foundation, Sparebankstiftelsen DnB, Talent Norge og GC Rieber Fondene.
–––
Varigheit: ca. 2 timar og 45 min, inkl. 30 minutt pause.
Rullestolar og ledsagarar: Ledsagarar har gratis inngang. Rullestolplassar og ledsagarbillettar kan kjøpast/reserverast i resepsjonen eller ved å kontakte oss på telefon: 917 50 231 / e-post: resepsjon@oseana.no
___
Matservering: Showmeny
Til dette arrangementet tilbyr vi ein eigen showmeny. Du bestiller og betalar på førehand, og får måltidet servert i kafélokala våre i 1. etg. før arrangementet. Møt opp ca 2 timer før.
Bestilling/kjøp skjer gjennom billettsystemet. Når du kjøper billettar, vil du få tilbod om å legge til matprodukt. Du kan òg etterbestille mat etter du har kjøpt billettane (lenke under). Frist for matbestilling: innan kl. 11:00 dagen før arrangementet.
Maten blir levert av Det Gode Selskap.
Klikk her for å kome direkte til matbestilling for dette arrangementet.
Bordønske, allergiar o.l.: Ta kontakt med post@detgodeselskap.no – innan kl. 11:00 dagen før arrangementet. Hugs å oppgi dato for reservasjon og namnet ditt.