LOVEPOD – Mas&Mimosa

Velkommen til live podcast på Oseana! Bli med på ein ekte kjærleikskveld på sjølvaste valentinsdagen, med podkastduoen i Mas&Mimosa: Mia og Malin. 

Anten du er singel, på Tinder, lukkeleg (eller ulukkeleg) gift, sambuar, kjærast eller einsam – er det plass til deg i Oseana denne kvelden. Mia og Malin byr på seg sjølve, serverer musikalske innslag av ymse kvalitet, i tillegg til dilemma, gjestar og nokre overraskingar. Éin ting er sikkert: kjærleiken skal få blomstre!

Mas&Mimosa med Mia&Malin er ein podkast som starta opp hausten 2024. Mia Helene Lindborg og Malin Frotveit Johnsen tar opp seriøse tema som angst, sorg og sjukdom. Dei deler både eigne erfaringar og inviterer gjestar til å dele sine erfaringar. I tillegg skravlar dei om alt mellom himmel og jord, syng, masar og deler sine meiningar om ting i livet.

Med seg på scenen i Oseana har dei sin trofaste produsent, mann og musikar Eirik Søfteland – og fanboy, ven og bassist Olav Skorpen.

Velkommen til ein kjærleiksfull kveld du seint vil gløyme!

___

Varigheit: om lag 90 minutt

Ledsagarar har gratis inngang. Ledsagarbillettar kan kjøpast/ bestillast i resepsjonen eller ved å kontakte oss på telefon: 917 50 231 / e-post: resepsjon@oseana.no

___

Matservering: Showmeny

Til dette arrangementet tilbyr vi ein eigen showmeny. Du bestiller og betalar på førehand, og får måltidet servert i kafélokala våre i 1. etg. før arrangementet. Du kan møte opp 1–2 timar før arrangementet startar.  

Bestilling/kjøp skjer gjennom billettsystemet. Når du kjøper billettar, vil du få tilbod om å legge til matprodukt. Du kan òg etterbestille mat etter du har kjøpt billettane (lenke under). Frist for matbestilling: innan kl. 11:00 dagen før arrangementet.

Maten blir levert av Det Gode Selskap.

Klikk her for å kome direkte til matbestilling for dette arrangementet.

Bordønske, allergiar o.l.: Vil du sitte ved same bord om nokon i ei anna bestilling? Vil du opplyse om allergiar? Vil du avbestille? Ta kontakt med post@detgodeselskap.no – innan kl. 11:00 dagen før arrangementet. Hugs å oppgi dato for reservasjon og namnet ditt.

Les meir om mat og drikke på Oseana her.