Utstilling: Nytt i samlinga
Grieg Kunstsamling presenterer ei ny utstilling med nokre av dei siste innkjøpa til samlinga. Her møtes eldre kunst, modernisme og samtidskunst i ein heilskap som viser korleis samlinga stadig er i utvikling.
Grieg Kunstsamling er i kontinuerleg vekst, og nye verk blir jamleg lagde til samlinga. I denne utstillinga får du eit innblikk i nokre av dei nyaste tilskota, frå historiske arbeid til heilt ny samtidskunst.
Utstillinga rommar verk av samtidskunstnarar som Candida Höfer, Nathalia Edenmont og Eamon O’Kane, i tillegg til Markus Oehlen, Sarah Sze, Elin Melberg og Esther Bjørneboe. Samtidig blir verk av gamle meistrar som Christian Skredsvig og moderne målarar som Inger Sitter viste. Dette gir deg eit unikt innblikk i spennvidda i samlinga.
Gjennom møtet mellom ulike uttrykk, teknikkar og tidsepokar gir utstillinga eit oppdatert bilete av Grieg Kunstsamling slik ho framstår i dag, som ei levande samling i stadig rørsle.
- Utstillingsperiode: 11. februar – 29. mars 2026
- Hvelvet, Grieg Kunstsamling, Oseana kunst- og kultursenter
- Adresse: Mobergsbakken 20, 5200 Os
- Opningstid: onsdag–søndag kl. 12:00–16:00
- Omvising søndagar kl. 13:00
- Inngangsbillett kr 50/100
Tusen takk til Grieg Foundation for eit godt og verdifullt samarbeid!
Les meir om Grieg Kunstsamling her
___
Bilete: Eamon O’Kane, Lina Bo Bardi House, 2024
